ஆண்ட்ராய்ட் தொடர்பான முக்கிய செயலிகளும் சில குறிப்புகளும்…

இன்றைய நிலையில், ஏழை, பணக்காரன் வேறுபாடின்றி, ஸ்மார்ட் போன்களை, அதுவும் ஆண்ட்ராய்ட் சிஸ்டத்தில் இயங்கும் போன்களை அனைவரும் பயன்படுத்தத் தொடங்கியுள்ளனர். ஒவ்வொருவருக்கும் ஒரு தேவையினை இன்றியமையாததாக எண்ணி, அதற்காக ஆண்ட்ராய்ட் இயங்கும் ஸ்மார்ட் போனை நாடுகின்றனர். ஆண்ட்ராய்ட் போன் வரும்போதே, கூகுள் நிறுவனத்தின், கூகுள் சர்ச், யு ட்யூப் போன்ற சில அப்ளிகேஷன்கள் பதியப்பட்டே கிடைக்கின்றன. இவற்றுடன் இன்னும் சில இலவசமாகக் கிடைக்கக் கூடிய சில அப்ளிகேஷன்கள் குறித்து இங்கே பார்க்கலாம்.

1. Lost Android:

இந்த அப்ளிகேஷன் மூலம், நம் போன் திருடப்பட்டால் அல்லது தொலைக்கப்பட்டால், அது எங்கிருந்து இயங்கி வருகிறது என அறியலாம். இந்த அப்ளிகேஷனை டவுண்லோட் செய்திட https://play.google.com/store/apps/details?id=com.androidlost&hl=en என்ற இணையத்தளம் செல்லவும். இதனை போனில் பதியும்போது, நம்மைப் பற்றிய தகவல்களைக் கொடுக்க வேண்டும். ஆனால், மொபைல் எண் கேட்கப்படுகையில், நம்முடைய போனின் எண்ணை கொடுக்காமல், நம் நெருங்கிய நண்பர் அல்லது உறவினரின் போன் எண்ணை கொடுக்க வேண்டும். அப்போதுதான், தொலைந்த போன் எங்கிருந்து இயங்குகிறது என்ற தகவல், எஸ்.எம்.எஸ். செய்தியாக, அந்த போனுக்கு வரும்.

2. Battery Deffender :

இந்த செயலி, ஆண்ட்ராய்ட் இயக்கத்தில் உள்ள மொபைல் போனில், தேவையின்றி இயங்கும் அப்ளிகேஷன்களை நிறுத்துகிறது. போனை நாம் பயன்படுத்தாத போது, அப்ளிகேஷன்கள் இயங்குவதை நிறுத்துவதன் மூலம், போனில் உள்ள பேட்டரியின் மின் சக்தி பாதுகாக்கப்படுகிறது. இதனைப் பெற,https://play.google.com/store/apps/details… என்ற முகவரியில் உள்ள இணைய தளம் செல்லவும்.

3. Viber:

இந்த செயலியை, போனில் நிறுவினால், இதன் மூலம் அழைப்புகளை ஏற்படுத்தலாம். செய்திகளை அனுப்பலாம். போட்டோ, விடியோ பைல்கள் ஆகியவற்றை அனுப்பிப் பகிர்ந்து கொள்ளலாம். ஆனால், நீங்கள் யாருடைய போனுக்கு இதன் மூலம் தகவல்களை அனுப்புகிறீர்களோ, அந்த போனிலும் இந்த செயலி பதிந்து வைத்து இயக்கப்பட வேண்டும். இதனைப் பெற https://play.google.com/store/apps/details… என்ற இணையத்தளம் செல்லவும்.

4. Olive Office Premium:

ஆண்ட்ராய்ட் போனில், வேர்ட், எக்ஸெல், பவர்பாய்ண்ட் போன்ற பைல்களைப் படித்துப் பார்க்க இந்த செயலி உதவுகிறது. பி.டி.எப். பைல்களையும் இதன் மூலம் படிக்கலாம். இந்த செயலியைப் பெற நீங்கள் செல்ல வேண்டிய இணையத்தள முகவரி https://play.google.com/store/apps/details…

5. App to SD Free:

நம் ஆண்ட்ராய்ட் போனில், புதிய அப்ளிகேஷன் புரோகிராம்களைப் பதிக்க இடம் இல்லாத போது, போனில் உள்ள மைக்ரோ எஸ்.டி. கார்டில், அப்ளிகேஷன்களைப் பதிக்க இந்த செயலி உதவுகிறது. இதனைப் பெற நீங்கள் செல்ல வேண்டிய இணையத்தள முகவரி: https://play.google.com/store/apps/details…

மேலே சுட்டிக் காட்டப்பட்டவை, ஒரு சில இன்றியமையாத செயலிகளே. இன்னும் சில உள்ளன. உங்களுக்குத் தேவைப்படும்போது அவற்றை நீங்களே தேடிப் பெறலாம். கீழே, ஆண்ட்ராய்ட் போனின் பேட்டரியின் சக்தி வீணாவதைத் தடுப்பதற்கான குறிப்புகள் தரப்படுகின்றன.

1. Auto adjust screen tone:

உங்கள் ஆண்ட்ராய்ட் போனில், Settings> My Device எனச் செல்லவும். இங்கு கிடைக்கும் Display பிரிவில் கீழாகச் சென்றால், Auto adjust screen tone என ஒரு டூல் தரப்பட்டிருப்பதனைக் காணலாம். திரையில் காட்டப்படும் இமேஜ் காட்டப்படும் ஒளித் தன்மையைக் குறைத்து, பேட்டரியின் சக்தியை மிச்சப்படுத்தும் இந்த டூல். பொதுவாகவே, பேட்டரியின் திறனைச் சீக்கிரம் காலி செய்வதில், திரையின் ஒளித் தன்மை காட்சி பெரும் பங்கு வகிக்கிறது. இதை உணர்ந்து, கூடுமானவரை தேவையில்லாத அதிக பிரகாசமாகக் காட்டப்படும் ஒளித் தன்மையைக் குறைக்கலாம்.

2. Screen Time out:

திரைக்காட்சி குறித்து சிந்திக்கையில், உங்கள் போனின் திரைக் காட்சி காட்டப்படும் நேரத்தினை மிகவும் குறைந்த காலத்திற்கு அமைத்துவிட்டால், அது அந்த நேரத்தில் போன் இயங்காமல் இருந்தால், காட்சி மறைந்துவிடும். ஆனால், இது பல நேரங்களில் நமக்கு எரிச்சலைக் கொடுக்கும். ஏனென்றால், மீண்டும் நாம் அதனை இயக்க பாஸ்வேர்ட் / அமைப்பு அல்லது குறியீட்டு எண் எனத் தர வேண்டிய திருக்கும். ஆனால், இந்த கால அவகாசத்தினை 2 நிமிடம் என அமைத்து, திரையை 30 விநாடிகளே நீங்கள் பயன்படுத்துகிறீர்கள் என்றால், 90 விநாடிகள் பயன்படுத்தாத நேரத்திற்கு, திரைக் காட்சிக்கான மின் சக்தியை வீணடிக்கிறீர்கள் என்று பொருள். இப்படி 20 முறை திரைக் காட்சியினை வீணடித்தால், ஒரு நாளில், 30 நிமிடங்கள் நீங்கள் ஸ்கிரீன் டிஸ்பிளே நேரத்தை வீணாக்குகிறீர்கள். இதனால், பேட்டரியின் திறன் பெரும் அளவில் வீணடிக்கப்படுகிறது. எனவே, ஸ்கிரீன் நேர அவகாசத்தினை, எவ்வளவு குறைவாக அமைக்க முடியுமோ, அந்த அளவிற்குக் குறைவாக அமைத்துப் பயன்படுத்த வேண்டும்.

3. Unused Features:

நாம் பயன்படுத்தாத பல செயல்வசதிகளை போனில் இயக்கியபடி வைத்திருப்போம். எடுத்துக்காட்டாக, auto-rotate, gestures, smart scrolling, Ambient display, மற்றும் NFC போன்றவற்றைச் சொல்லலாம். இவற்றில் எதையுமே நம்மில் பெரும்பாலானவர்கள் பயன்படுத்த மாட்டோம். எனவே, இவற்றின் இயக்கத்தினை நிறுத்தி வைத்தால், மின் சக்தி பெரும் அளவில் சேமிக்கப்படும். தேவைப்படும்போது, இயக்கி, பயன் முடிந்தவுடன், மீண்டும் இயக்த்தினை நிறுத்தி வைக்கலாம். இது வைபை மற்றும் புளுடூத் போன்றவற்றிற்கும் பொருந்தும். குறிப்பாக, வீட்டில் இணைய இணைப்பு எப்போதும் இயக்கத்தில் இருந்தால், வைபை செயல்பாட்டினை நம் போனில் இயக்கி வைக்கலாம். ஆனால், வெளியே செல்கையில், இதனை இயக்க முடியாது. எனவே, அதனை நிறுத்தி வைக்கலாம். அதே போல புளுடூத் இயக்கத்தினை வெளியில் செல்கையில் நிறுத்தி வைப்பது, மின் சக்தியை மிச்சப்படுத்த மட்டுமின்றி, தேவையற்ற ஊடுறுவலையும் தடுக்கும்.

4. Vibrations:

நமக்கு போனில், வைப்ரேசன் எனப்படும் சிறிய அளவிலான அதிர்வு தேவையா? அழைப்பு பெறுகையில், அழைப்பு ஒலி தான் கேட்குமே. பின் எதற்கு அதிர்வு. அதே போல, கீ பட்டன்களைகளை அழுத்தும்போது அதிர்வு தேவையா? பேட்டரியின் அதிக சக்தியினை, இந்த அதிர்வு எடுத்துக் கொள்கிறது. எனவே, தேவை இல்லை எனில், இதன் இயக்கத்தினை நிறுத்தலாம். Settings | Sound எனச் சென்று, அங்கு Vibrations என்ற பிரிவில், Vibrate when ringing என்று இருப்பதில் டிக் அடையாளத்தினை எடுத்துவிடலாம். கீழாகவே, கீ அழுத்தப்படுகையில் தேவையற்ற ஒலி, அதிர்வினையும் நிறுத்த வழிகள் தரப்பட்டிருப்பதனைக் காணலாம்.

5. Do Not Disturb:

இரவு நேரத்தில் நாம் உறங்கச் செல்கையில், இந்த Do Not Disturb டூலைப் பயன்படுத்தலாம். இதனை இயக்கிவிட்டால், குறிப்பிட்ட காலத்திற்கு, நோட்டிபிகேஷன்கள் எதுவும் காட்டப்பட மாட்டாது. அவை வருவதற்கான ஒலி எழுப்புதலும் இருக்காது. இது பேட்டரியின் வாழ்நாளை நீட்டிப்பதுடன், உங்களின் உறக்கத்தை உறுதி செய்து, உங்களின் வாழ் நாளையும் நீட்டிக்கும்.

இது போன்ற பயனுள்ள தகவல்களை உடனுக்குடன் பார்வையிட எமது முகநூல் புத்தக பக்கத்தை (Facebook Page) லைக் செய்யவும்.

[wpdevart_like_box profile_id=”1865134133798752″ connections=”show” width=”600″ height=”200″ header=”large” cover_photo=”show” locale=”en_US”]